De Stifting
Frysk Selskip Arum (de Krite) en Teater Selskip Arum binne yn 2019 tegearre fierder gien as ien stifting: De Arumer Kat – teater en mear.
De Arumer Kat is in skel- of skimpnamme út it ferline. Elts doarp of buertskip en ek gruttere stêden hienen skimpnammen. We ha foar dizze namme keazen om út te dragen dat de stifting echt iets fan Arum en de Arumers is.
It doel
De krachten út twa foariche bestjoeren binne bundele yn ien nije. Oprjochte om kulturele en musikale foarstellingen te organisearjen yn de breedste sin, at it no giet om toaniel yn it winterskoft of in iepenloftspul of miskien in musikale foarstelling en ek de Playbackshow fan Arum wurdt troch De Arumer Kat organisearre.
Bestjoer
It bestjoer bestiet út:
Hetty Verhoeve – foarsitter en PR
Folkert Tolsma – sekretaris
Harm Westra – ponghâlder
Lieuwe Tolsma – algemien lid
Hanny Kroeger – algemien lid
It bestjoer wurdt bystien troch kommisjes foar eltse produksje dy ’t organiseare wurdt. Te tinken falt oan in kommisje foar de klean, rekwisyten, musyk, technyk, PR ensfh.
Stipe troch donateurs
In stifting hat gjin leden en dêrtroch ek gjin ynkomsten út ledejild. Mar we kinne net sûnder jild en ekstra ynkomsten binne mear dan wolkom. Hjirby dan ek de fraach at jo ús stypje wolle troch donateur te wurden fan Stifting De Arumer Kat. It donateursbedrach is € 15,- per jier en as donateur krije jo by iepenloftspul Speak 2 konsumpsjemunten.
Download hjir it donateursformulier, ful it yn en mail in foto nei info@dearumerkat.nl of lever it yn by ien fan de bestjoersleden.
Spylje ek in rol by Stifting De Arumer Kat en wurd donateur!